Abhishek Sharma
IPL 2026: ಕೋಲ್ಕತ್ತಾ ನೈಟ್ ರೈಡರ್ಸ್ (KKR) ವಿರುದ್ಧದ ಪಂದ್ಯದಲ್ಲಿ ಐಪಿಎಲ್ ನೀತಿ ಸಂಹಿತೆಯನ್ನು ಉಲ್ಲಂಘಿಸಿದ ಕಾರಣಕ್ಕಾಗಿ ಸನ್ರೈಸರ್ಸ್ ಹೈದರಾಬಾದ್ (SRH) ಆಟಗಾರ ಅಭಿಷೇಕ್ ಶರ್ಮಾಗೆ ಪಂದ್ಯದ ಶುಲ್ಕದ ಶೇ. 25ರಷ್ಟು ದಂಡ ವಿಧಿಸಲಾಗಿದೆ.
ಫೈನ್ ಹಾಕಲು ಕಾರಣವೇನು?
ಅಂಪೈರ್ ನಿರ್ಧಾರಕ್ಕೆ ಅಸಮಾಧಾನ: ಏಪ್ರಿಲ್ 2, 2026 ರಂದು ಈಡನ್ ಗಾರ್ಡನ್ಸ್‌ನಲ್ಲಿ ನಡೆದ ಪಂದ್ಯದಲ್ಲಿ, ವರುಣ್ ಚಕ್ರವರ್ತಿ ಹಿಡಿದ ವಿವಾದಾತ್ಮಕ ಕ್ಯಾಚ್‌ಗೆ ಔಟ್ ಎಂದು ಘೋಷಿಸಿದಾಗ ಅಭಿಷೇಕ್ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದರು.
ಅಸಭ್ಯ ಭಾಷೆ ಬಳಕೆ: ಮೈದಾನದಿಂದ ಹೊರನಡೆಯುವಾಗ ಅಸಭ್ಯ ಪದಗಳನ್ನು ಬಳಸಿದ್ದು ಮತ್ತು ಅಂಪೈರ್ ತೀರ್ಪನ್ನು ಪ್ರಶ್ನಿಸಿದ್ದು ಕ್ಯಾಮೆರಾದಲ್ಲಿ ಸೆರೆಯಾಗಿತ್ತು.
ನೀತಿ ಸಂಹಿತೆ ಉಲ್ಲಂಘನೆ: ಅವರು ಐಪಿಎಲ್ ನೀತಿ ಸಂಹಿತೆಯ ಆರ್ಟಿಕಲ್ 2.3 ರ ಅಡಿಯಲ್ಲಿ ‘ಲೆವೆಲ್ 1’ ಅಪರಾಧ ಎಸಗಿರುವುದು ದೃಢಪಟ್ಟಿದೆ.
ದಂಡದ ಮೊತ್ತ ಎಷ್ಟು?
ಸನ್ರೈಸರ್ಸ್ ಹೈದರಾಬಾದ್ (SRH) ತಂಡವು ಅಭಿಷೇಕ್ ಶರ್ಮಾ ಅವರಿಗೆ ₹14 ಕೋಟಿ ಮೊತ್ತ ನೀಡುತ್ತಿದೆ. ಐಪಿಎಲ್‌ನ ಒಂದು ಸೀಸನ್‌ನಲ್ಲಿ ತಂಡವು ಕನಿಷ್ಠ 14 ಲೀಗ್ ಪಂದ್ಯಗಳನ್ನು ಆಡುತ್ತದೆ. ಈ ಆಧಾರದ ಮೇಲೆ ಅವರ ಒಂದು ಪಂದ್ಯದ ಅಂದಾಜು ವೇತನ ಸುಮಾರು ₹1 ಕೋಟಿ ಆಗಿರುತ್ತದೆ.
ಅದರಂತೆ ಅಭಿಷೇಕ್ ಶರ್ಮಾ ತಂಡದ ಮೊತ್ತವಾಗಿ 25 ಲಕ್ಷ ರೂ. ಪಾವತಿಸಬೇಕಾಗಿ ಬರಬಹುದು. ಇದರ ಜೊತೆಗೆ ಶಿಸ್ತಿನ ದಾಖಲೆಯಲ್ಲಿ ಒಂದು ಡಿಮೆರಿಟ್ ಪಾಯಿಂಟ್ (One Demerit Point) ಅನ್ನು ಸೇರಿಸಲಾಗುತ್ತದೆ.
ಪಂದ್ಯದ ಹಿನ್ನೆಲೆ:
ಅಭಿಷೇಕ್ ಶರ್ಮಾ ಕೇವಲ 21 ಎಸೆತಗಳಲ್ಲಿ 48 ರನ್ ಸಿಡಿಸಿ ಅಬ್ಬರಿಸುತ್ತಿದ್ದರು. ಆದರೆ 9ನೇ ಓವರ್‌ನಲ್ಲಿ ಔಟ್ ಆದ ನಂತರ ಕ್ರೀಸ್‌ನಿಂದ ನಿರ್ಗಮಿಸಲು ವಿಳಂಬ ಮಾಡಿದರು ಮತ್ತು ಅಂಪೈರ್ ತೀರ್ಪಿನ ವಿರುದ್ಧ ಅಸಮಾಧಾನ ಪ್ರದರ್ಶಿಸಿದರು. ಪಂದ್ಯದ ರೆಫರಿ ವಿಧಿಸಿದ ಈ ದಂಡವನ್ನು ಆಟಗಾರ ಒಪ್ಪಿಕೊಂಡಿದ್ದಾರೆ.
ಇದನ್ನೂ ಓದಿ: ಕನ್ನಡವೇ ಅರ್ಥವಾಗದೇ ಹಿಂದಿಗೆ ಬೆಂಬಲ: ನಿಮ್ಮೆಲ್ಲಾ ಪ್ರಶ್ನೆಗೆ ಇಲ್ಲಿದೆ ಉತ್ತರ
ವಿಶೇಷವೆಂದರೆ, ಕಳೆದ 2025ರ ಐಪಿಎಲ್ ಆವೃತ್ತಿಯಲ್ಲೂ ಲಕ್ನೋ ಸೂಪರ್ ಜೈಂಟ್ಸ್ ತಂಡದ ದಿಗವೇಶ್ ರಾಠಿ ಜೊತೆಗಿನ ಕಿತ್ತಾಟಕ್ಕಾಗಿ ಅಭಿಷೇಕ್ ಶರ್ಮಾಗೆ ಶೇ. 25ರಷ್ಟು ದಂಡ ವಿಧಿಸಲಾಗಿತ್ತು. ಇದೀಗ ಮತ್ತೊಮ್ಮೆ ದಂಡದ ಶಿಕ್ಷೆಗೆ ಗುರಿಯಾಗಿದ್ದಾರೆ.
No wins while defending a total? @SunRisers get it done ✅
A brilliant win for the Orange Army to break the jinx 🙌#TATAIPL | #KhelBindaas | #KKRvSRH pic.twitter.com/cuzpPyhqSe
— IndianPremierLeague (@IPL) April 2, 2026
ಇನ್ನು ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಸನ್ರೈಸರ್ಸ್ ಹೈದರಾಬಾದ್ ತಂಡವು 20 ಓವರ್ಗಳಲ್ಲಿ 226 ರನ್ ಕಲೆಹಾಕಿದ್ದರು. ಈ ಗುರಿಯನ್ನು ಬೆನ್ನತ್ತಿದ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡವು 16 ಓವರ್ಗಳಲ್ಲಿ 161 ರನ್ಗಳಿಸಿ ಆಲೌಟ್ ಆಗಿದೆ. ಈ ಮೂಲಕ ಎಸ್ಆರ್ಹೆಚ್ ತಂಡ 65 ರನ್ಗಳ ಗೆಲುವು ದಾಖಲಿಸಿದೆ.
