ಸರ್ಕಾರಿ ಉದ್ಯೋಗಕ್ಕೆ ಅರ್ಜಿ ಆಹ್ವಾನ: ವೇತನ 90 ಸಾವಿರ ರೂ.

ಕರ್ನಾಟಕ ಲೋಕಸೇವಾ ಆಯೋಗವು (KPSC) 2026ನೇ ಸಾಲಿನ ಕರ್ನಾಟಕ ಆಡಳಿತ ಸೇವೆ (KAS) ಗ್ರೂಪ್ ‘ಎ’ ಮತ್ತು ಗ್ರೂಪ್ ‘ಬಿ’ ಗೆಜೆಟೆಡ್ ಪ್ರೊಬೇಷನರ್ಸ್‌ ಹುದ್ದೆಗಳ ಭರ್ತಿಗೆ ಅಧಿಕೃತ ಅಧಿಸೂಚನೆ ಹೊರಡಿಸಿದೆ. ಒಟ್ಟು 319 ಹುದ್ದೆಗಳ ನೇಮಕಾತಿಗಾಗಿ ಅರ್ಹ ಅಭ್ಯರ್ಥಿಗಳಿಂದ ಆನ್‌ಲೈನ್ ಮೂಲಕ ಅರ್ಜಿ ಆಹ್ವಾನಿಸಲಾಗಿದೆ. ಅರ್ಜಿ ಸಲ್ಲಿಸಲು ಇಚ್ಛಿಸುವ ಅಭ್ಯರ್ಥಿಗಳು KPSC ಅಧಿಕೃತ ವೆಬ್‌ಸೈಟ್‌ kpsc.kar.nic.in ಮೂಲಕ ಅರ್ಜಿ ಹಾಕಬಹುದು. ಈ ನೇಮಕಾತಿ ಕುರಿತಾದ ಮತ್ತಷ್ಟು ಮಾಹಿತಿ ಈ ಕೆಳಗಿನಂತಿದೆ…

ಪ್ರಮುಖ ದಿನಾಂಕಗಳು:

ಅಧಿಸೂಚನೆ ಪ್ರಕಟವಾದ ದಿನಾಂಕ: 31 ಜುಲೈ 2026
ಆನ್‌ಲೈನ್ ಅರ್ಜಿ ಸಲ್ಲಿಕೆ ಆರಂಭ: 1 ಆಗಸ್ಟ್ 2026
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 31 ಆಗಸ್ಟ್ 2026
ಪೂರ್ವಭಾವಿ ಪರೀಕ್ಷೆ ದಿನಾಂಕ: 15 ನವೆಂಬರ್ 2026 (ತಾತ್ಕಾಲಿಕ)

ಹುದ್ದೆಗಳ ವಿವರಗಳು:

ಗ್ರೂಪ್ ‘ಎ’ ಹುದ್ದೆಗಳು (117):
ಅಸಿಸ್ಟೆಂಟ್ ಕಮಿಷನರ್ (AC)
ಡಿವೈಎಸ್ಪಿ (DYSP)
ಸಹಾಯಕ ನಿರ್ದೇಶಕರು.
ಗ್ರೂಪ್ ‘ಬಿ’ ಹುದ್ದೆಗಳು (202):
ತಹಶೀಲ್ದಾರ್ ಗ್ರೇಡ್-2
ವಾಣಿಜ್ಯ ತೆರಿಗೆ ಅಧಿಕಾರಿ (CTO)
ಸೆಕ್ಷನ್ ಆಫೀಸರ್.

ಅರ್ಹತಾ ಮಾನದಂಡಗಳು:

ಶೈಕ್ಷಣಿಕ ಅರ್ಹತೆ: ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಯಾವುದೇ ಪದವಿ (Degree) ಅಥವಾ ಸ್ನಾತಕೋತ್ತರ ಪದವಿ ಪಾಸ್ ಆಗಿರಬೇಕು.
ಸಾಮಾನ್ಯ ಅರ್ಹತೆ: ಅಭ್ಯರ್ಥಿಗಳಿಗೆ ಕನ್ನಡ ಭಾಷೆಯ ಜ್ಞಾನ ಕಡ್ಡಾಯ.

ವಯೋಮಿತಿ:

ಕನಿಷ್ಠ ವಯಸ್ಸು: 21 ವರ್ಷಗಳು
ಸಾಮಾನ್ಯ ವರ್ಗ (GM): ಗರಿಷ್ಠ 40 ವರ್ಷಗಳು
OBC (2A/2B/3A/3B): ಗರಿಷ್ಠ 43 ವರ್ಷಗಳು
SC/ST/Category-1: ಗರಿಷ್ಠ 45 ವರ್ಷಗಳು

ಆಯ್ಕೆ ಪ್ರಕ್ರಿಯೆ:

ಅಭ್ಯರ್ಥಿಗಳನ್ನು ಮೂರು ಹಂತಗಳ ಮೂಲಕ ಆಯ್ಕೆ ಮಾಡಲಾಗುತ್ತದೆ.

ಪೂರ್ವಭಾವಿ ಪರೀಕ್ಷೆ: ವಸ್ತುನಿಷ್ಠ ಬಹು ಆಯ್ಕೆ ಪ್ರಶ್ನೆಗಳು (MCQs).
ಮುಖ್ಯ ಪರೀಕ್ಷೆ: ವಿವರಣಾತ್ಮಕ ಬರವಣಿಗೆ ಪರೀಕ್ಷೆ.
ವ್ಯಕ್ತಿತ್ವ ಪರೀಕ್ಷೆ: ಸಂದರ್ಶನ ಸುತ್ತು.

ಅರ್ಜಿ ಶುಲ್ಕ:

ಸಾಮಾನ್ಯ ಅಭ್ಯರ್ಥಿಗಳು (GM): ₹600/-
ಪ್ರವರ್ಗ 2A, 2B, 3A, 3B: ₹300/-
ಮಾಜಿ ಸೈನಿಕರು: ₹50/-SC/ST/
ಪ್ರವರ್ಗ-1/ಅಂಗವಿಕಲ ಅಭ್ಯರ್ಥಿಗಳು: ಶುಲ್ಕ ವಿನಾಯಿತಿ ಇರುತ್ತದೆ.

ವೇತನ ಎಷ್ಟು?

KPSC KAS ಪರೀಕ್ಷೆಯ ಮೂಲಕ ಆಯ್ಕೆಯಾಗುವ ಗ್ರೂಪ್ ‘ಎ’ ಮತ್ತು ಗ್ರೂಪ್ ‘ಬಿ’ ಅಧಿಕಾರಿಗಳ ವೇತನವನ್ನು ಕರ್ನಾಟಕ ರಾಜ್ಯದ 7ನೇ ವೇತನ ಆಯೋಗದ Prepp Salary Guide ನಿಯಮಾವಳಿಗಳ ಪ್ರಕಾರ ನಿಗದಿಪಡಿಸಲಾಗಿದೆ.

ಗ್ರೂಪ್ ‘ಎ’ ಹುದ್ದೆಗಳಿಗೆ ಮೂಲ ವೇತನ: ₹56,100 ರಿಂದ ಆರಂಭವಾಗುತ್ತದೆ.
ಒಟ್ಟು ವೇತನ: ಎಲ್ಲಾ ಭತ್ಯೆಗಳೂ ಸೇರಿದಂತೆ ಸುಮಾರು ₹90,000 ರಿಂದ ₹1,10,000 ವರೆಗೆ ಇರಲಿದೆ.
ಕೈಗೆ ಸಿಗುವ ವೇತನ: ತೆರಿಗೆ ಹಾಗೂ ಪಿಎಫ್ ಕಡಿತದ ನಂತರ ಸುಮಾರು ₹80,000 ರಿಂದ ₹95,000 ಸಿಗಬಹುದು.

ಇದನ್ನೂ ಓದಿ: ಸಿಎಂ ಆಪ್ತನ ಹತ್ಯೆ ಪ್ರಕರಣ: ಇಬ್ಬರು ಬಿಜೆಪಿ ಕಾರ್ಯಕರ್ತರ ಬಂಧನ!

ಗ್ರೂಪ್ ‘ಬಿ’ ಹುದ್ದೆಗಳಿಗೆ ಮೂಲ ವೇತನ: ₹43,100 ರಿಂದ ₹47,600 ರವರೆಗೆ ಆರಂಭವಾಗುತ್ತದೆ.
ಒಟ್ಟು ವೇತನ: ಎಲ್ಲಾ ಭತ್ಯೆಗಳೂ ಸೇರಿದಂತೆ ಸುಮಾರು ₹70,000 ರಿಂದ ₹90,000 ವರೆಗೆ ಇರಲಿದೆ.
ಕೈಗೆ ಸಿಗುವ ವೇತನ: ಕಡಿತಗಳ ನಂತರ ಸುಮಾರು ₹60,000 ರಿಂದ ₹75,000 ಸಿಗಲಿದೆ.