SIR
ಚುನಾವಣಾ ಆಯೋಗದ (ECI) ವಿಶೇಷ ತೀವ್ರ ಪರಿಷ್ಕರಣೆ (SIR) 2026ರ ಅರ್ಜಿ ಸ್ಥಿತಿಯನ್ನು ನೀವು ನಿಮ್ಮ ಮೊಬೈಲ್ ಅಥವಾ ಕಂಪ್ಯೂಟರ್ ಮೂಲಕ ತಕ್ಷಣವೇ ಆನ್‌ಲೈನ್‌ನಲ್ಲಿ ಉಚಿತವಾಗಿ ಪರಿಶೀಲಿಸಬಹುದು. ನಿಮ್ಮ ಮತದಾರರ ಗುರುತಿನ ಚೀಟಿ (Voter ID) ಹೊಸದಾಗಿ ಸೇರ್ಪಡೆಯಾಗಿದೆಯೇ ಅಥವಾ ನವೀಕರಣಗೊಂಡಿದೆಯೇ ಎಂಬುದನ್ನು ತಿಳಿಯಲು ಕೆಳಗಿನ ಸುಲಭ ವಿಧಾನಗಳನ್ನು ಅನುಸರಿಸಿ:
ವಿಧಾನ 1:
- ವೆಬ್‌ಸೈಟ್‌ಗೆ ಭೇಟಿ ನೀಡಿ: ಕೇಂದ್ರ ಚುನಾವಣಾ ಆಯೋಗದ ಅಧಿಕೃತ ECI Voters’ Services Portal ಅಥವಾ ನಿಮ್ಮ ರಾಜ್ಯದ ಮುಖ್ಯ ಚುನಾವಣಾಧಿಕಾರಿಗಳ (CEO) ವೆಬ್‌ಸೈಟ್‌ಗೆ ಹೋಗಿ.
- ಲಾಗಿನ್ ಮಾಡಿ: ನಿಮ್ಮ ಮೊಬೈಲ್ ಸಂಖ್ಯೆ ನಮೂದಿಸಿ, ಒಟಿಪಿ (OTP) ಪಡೆದು ಲಾಗಿನ್ ಆಗಿ.
- ಟ್ರ್ಯಾಕ್ ಬಟನ್ ಕ್ಲಿಕ್ ಮಾಡಿ: ಮುಖಪುಟದಲ್ಲಿರುವ “Track Application Status” ಲಿಂಕ್ ಆಯ್ಕೆ ಮಾಡಿ.
- ವಿವರಗಳನ್ನು ಭರ್ತಿ ಮಾಡಿ: ನಿಮ್ಮ ರೆಫರೆನ್ಸ್ ಸಂಖ್ಯೆ (Reference Number) ಅಥವಾ EPIC (ವೊಟರ್ ಐಡಿ ನಂಬರ್) ಸಂಖ್ಯೆಯನ್ನು ಹಾಕಿ, ನಿಮ್ಮ ರಾಜ್ಯವನ್ನು ಆಯ್ಕೆ ಮಾಡಿ.
ಹೀಗೆ ವೊಟರ್ ಐಡಿ ನಂಬರ್ ಸರ್ಚ್ ಕೊಟ್ಟರೆ ನಿಮ್ಮ ಅರ್ಜಿ ಸಲ್ಲಿಕೆಯಾಗಿದೆಯೇ, ಬಿಎಲ್‌ಒ (BLO) ಪರಿಶೀಲನೆ ಮುಗಿದಿದೆಯೇ ಎಂಬ ಪೂರ್ಣ ಮಾಹಿತಿ ಪರದೆಯ ಮೇಲೆ ಕಾಣಿಸುತ್ತದೆ.
ವಿಧಾನ 2:
ಗೂಗಲ್ ಪ್ಲೇ ಸ್ಟೋರ್ ಅಥವಾ ಆ್ಯಪಲ್ ಆಪ್ ಸ್ಟೋರ್‌ನಿಂದ ಅಧಿಕೃತ Voter Helpline ಆ್ಯಪ್ ಅಥವಾ Voter and SIR ಆ್ಯಪ್ ಡೌನ್ಲೋಡ್ ಮಾಡಿ.
ಆಪ್ ತೆರೆದು “Track Application Status” ವಿಭಾಗಕ್ಕೆ ಹೋಗಿ.
ನಿಮ್ಮ ವಿವರಗಳನ್ನು ನಮೂದಿಸುವ ಮೂಲಕ ಅಥವಾ ನಿಮ್ಮ ವೋಟರ್ ಕಾರ್ಡ್‌ನಲ್ಲಿರುವ ಕ್ಯೂಆರ್ (QR) ಕೋಡ್ ಸ್ಕ್ಯಾನ್ ಮಾಡುವ ಮೂಲಕ ಸ್ಥಿತಿಯನ್ನು ಲೈವ್ ಆಗಿ ಚೆಕ್ ಮಾಡಿ.
ಇನ್ನು Voter and SIR ಆ್ಯಪ್ ಡೌನ್ಲೋಡ್ ಮಾಡಿದ್ದರೆ, ಮೊದಲಿಗೆ Special intensive revision ಎಂಬ ಆಯ್ಕೆ ಕಾಣಿಸುತ್ತದೆ. ಅದರ ಮೇಲೆ ಕ್ಲಿಕ್ ಮಾಡಿ ನಿಮ್ಮ ರಾಜ್ಯ ಹಾಗೂ ವೊಟರ್ ಐಡಿ ನಂಬರ್ ಹಾಕಿ ಸರ್ಚ್ ಮಾಡಿದರೆ ನಿಮ್ಮ ಎಸ್ಐಆರ್ ಸ್ಟೇಟಸ್ ಕಾಣಿಸುತ್ತದೆ.
ವಿಧಾನ 3:
ನಿಮ್ಮ ಬಳಿ ಇಂಟರ್ನೆಟ್ ಇಲ್ಲದಿದ್ದರೆ, ಕೇವಲ ಒಂದು ಎಸ್‌ಎಂಎಸ್ ಕಳುಹಿಸುವ ಮೂಲಕ ನಿಮ್ಮ ಸ್ಟೇಟಸ್ ತಿಳಿಯಬಹುದು:
ನಿಮ್ಮ ಮೊಬೈಲ್‌ನ ಮೆಸೇಜ್ ಬಾಕ್ಸ್‌ಗೆ ಹೋಗಿ ECI <ಸ್ಪೇಸ್> ನಿಮ್ಮ ವೋಟರ್ ಐಡಿ ಸಂಖ್ಯೆ ಎಂದು ಟೈಪ್ ಮಾಡಿ (ಉದಾಹರಣೆಗೆ: ECI ABC1234567). ಇದನ್ನು 1950 ಸಂಖ್ಯೆಗೆ ಕಳುಹಿಸಿ.
ಕೆಲವೇ ಕ್ಷಣಗಳಲ್ಲಿ ನಿಮ್ಮ ಮತದಾರರ ಪಟ್ಟಿಯ ಅಪ್ಡೇಟ್ ವಿವರಗಳು ನಿಮಗೆ ಎಸ್‌ಎಂಎಸ್ ಮೂಲಕ ಸಿಗುತ್ತವೆ.
ಆ್ಯಪ್ ಮತ್ತು ವೆಬ್ ಲಿಂಕ್ಗಳು:
- Voter and SIR ಆ್ಯಪ್
- Voter Helpline ಆ್ಯಪ್
- demovoters.eci.gov.in ವೆಬ್ಸೈಟ್
ಇದನ್ನೂ ಓದಿ: ಸರ್ಕಾರಿ ಉದ್ಯೋಗಕ್ಕೆ ಅರ್ಜಿ ಆಹ್ವಾನ: ವೇತನ 90 ಸಾವಿರ ರೂ.
ಪ್ರಮುಖ ದಿನಾಂಕಗಳು:
ಮನೆ ಮನೆಗೆ ಭೇಟಿ ನೀಡಿ ಬಿಎಲ್‌ಒಗಳು ನಡೆಸುವ ಭೌತಿಕ ಪರಿಶೀಲನೆಯು ಆಗಸ್ಟ್ 3 ಕ್ಕೆ ಕೊನೆಗೊಳ್ಳಲಿದ್ದು, ಅಧಿಕೃತ ಕರಡು ಮತದಾರರ ಪಟ್ಟಿ ಆಗಸ್ಟ್ 10 ರಂದು ಪ್ರಕಟವಾಗಲಿದೆ. ಆದ್ದರಿಂದ ಈ ಅವಧಿಯೊಳಗೆ ನಿಮ್ಮ ಹೆಸರು ಪಟ್ಟಿಯಲ್ಲಿದೆಯೇ ಎಂದು ಖಚಿತಪಡಿಸಿಕೊಳ್ಳಿ.
ಹೆಚ್ಚಿನ ಮಾಹಿತಿಗಾಗಿ ಜಿಯೋ ಕನ್ನಡ ನ್ಯೂಸ್ನ ವಾಟ್ಸ್ಆ್ಯಪ್ ಗ್ರೂಪ್ಗೆ ಜಾಯಿನ್ ಆಗಿ.
