ಆಹಾರ ವಾಹಿನಿ ಯೋಜನೆ: ಸರ್ಕಾರಿದಂದ ಸಿಗುತ್ತೆ 3 ಲಕ್ಷ ರೂ!

ಕರ್ನಾಟಕದ ನಿರುದ್ಯೋಗಿ ಯುವಕ-ಯುವತಿಯರಿಗೆ ಸ್ವಯಂ ಉದ್ಯೋಗದ ಹಾದಿ ಸುಗಮಗೊಳಿಸಲು ಸರ್ಕಾರವು ‘ಆಹಾರ ವಾಹಿನಿ’ ಯೋಜನೆಯನ್ನು ಜಾರಿಗೆ ತಂದಿದೆ. ಬೀದಿ ಬದಿಯ ವ್ಯಾಪಾರವನ್ನು ವ್ಯವಸ್ಥಿತಗೊಳಿಸಲು ಮತ್ತು ಪ್ರವಾಸಿ ತಾಣಗಳಲ್ಲಿ ಗುಣಮಟ್ಟದ ಆಹಾರ ಒದಗಿಸಲು ಈ ಯೋಜನೆ ಪೂರಕವಾಗಿದೆ.

ಏನಿದು ಆಹಾರ ವಾಹಿನಿ ಯೋಜನೆ?

ಆಹಾರ ವಾಹಿನಿ ಯೋಜನೆ ಎಂಬುದು ರಾಜ್ಯದ ನಿರುದ್ಯೋಗಿ ಯುವಕ-ಯುವತಿಯರಿಗೆ ಸಂಚಾರಿ ಆಹಾರ ಮಳಿಗೆಗಳನ್ನು (Mobile Canteens) ಆರಂಭಿಸಲು ಆರ್ಥಿಕ ನೆರವು ನೀಡುವ ಒಂದು ಮಹತ್ವದ ಯೋಜನೆಯಾಗಿದೆ. ಈ ಯೋಜನೆಯಡಿ ಬೀದಿಬದಿಯ ಆಹಾರ ವ್ಯಾಪಾರವನ್ನು ಆಧುನಿಕ ಮತ್ತು ವೈಜ್ಞಾನಿಕ ಮಾದರಿಯಲ್ಲಿ ಉತ್ತೇಜಿಸಲು ಸರ್ಕಾರವು ಸಹಾಯಧನ ನೀಡುತ್ತದೆ.

ಈ ಯೋಜನೆಯಡಿ ಫಲಾನುಭವಿಗಳಿಗೆ ಎಲೆಕ್ಟ್ರಿಕ್ ತ್ರೀ-ವೀಲರ್ (EV-Goods Vehicle) ವಾಹನಗಳನ್ನು ಆಹಾರ ಮಳಿಗೆಯಾಗಿ (Food Kiosk) ಪರಿವರ್ತಿಸಿ ನೀಡಲಾಗುತ್ತದೆ. ಈ ವಾಹನಗಳನ್ನು ಬಳಸಿಕೊಂಡು ನೀವು ಸಂಚಾರಿ ಉಪಹಾರ ಮಂದಿರ ಅಥವಾ ಕೆಫೆಗಳನ್ನು ನಡೆಸಬಹುದು.

ಯಾರು ಈ ಸೌಲಭ್ಯ ಪಡೆಯಬಹುದು?

• ಅರ್ಹತೆ: ಅರ್ಜಿದಾರರು ಕಡ್ಡಾಯವಾಗಿ ಕರ್ನಾಟಕದ ಖಾಯಂ ನಿವಾಸಿಯಾಗಿರಬೇಕು.
• ವಯೋಮಿತಿ: ಕನಿಷ್ಠ 18 ವರ್ಷ ತುಂಬಿರಬೇಕು ಮತ್ತು ಗರಿಷ್ಠ 55 ವರ್ಷ ಮೀರಿರಬಾರದು.
• ಚಾಲನಾ ಪರವಾನಗಿ: ಅಭ್ಯರ್ಥಿಯು ಚಾಲ್ತಿಯಲ್ಲಿರುವ ‘ಲಘು ಮೋಟಾರು ವಾಹನ’ (LMV) ಚಾಲನಾ ಪರವಾನಗಿ ಹೊಂದಿರಬೇಕು.
• ಆದಾಯ ಮಿತಿ: ಕುಟುಂಬದ ವಾರ್ಷಿಕ ಆದಾಯ ₹2 ಲಕ್ಷದಿಂದ ₹5 ಲಕ್ಷದ ಒಳಗಿರಬೇಕು (ಆಯಾ ನಿಗಮಗಳ ನಿಯಮದಂತೆ ಬದಲಾಗಬಹುದು).
• ಹಿಂದಿನ ಸೌಲಭ್ಯ: ಈ ಹಿಂದೆ ಸರ್ಕಾರದ ಯಾವುದೇ ನಿಗಮಗಳಿಂದ ವಾಹನ ಖರೀದಿ ಅಥವಾ ಉದ್ಯೋಗಕ್ಕಾಗಿ ಸಹಾಯಧನ ಪಡೆದಿರಬಾರದು.

ಆರ್ಥಿಕ ನೆರವು ಮತ್ತು ಸಹಾಯಧನ (Subsidy Details):

• ಸಹಾಯಧನದ ಮೊತ್ತ: ಸರ್ಕಾರವು ವಾಹನ ಖರೀದಿಗೆ ಗರಿಷ್ಠ ₹3,00,000 (3 ಲಕ್ಷ ರೂ.) ವರೆಗೆ ಸಹಾಯಧನ ನೀಡುತ್ತದೆ.
• ಉಳಿದ ಮೊತ್ತ: ವಾಹನದ ಒಟ್ಟು ಬೆಲೆಯಲ್ಲಿ ಸಹಾಯಧನವನ್ನು ಕಳೆದ ನಂತರ ಉಳಿದ ಹಣವನ್ನು ಬ್ಯಾಂಕ್ ಸಾಲದ ಮೂಲಕ ಭರಿಸಬೇಕು.
• ಫಲಾನುಭವಿಯ ಪಾಲು: ವಾಹನದ ಒಟ್ಟು ಮೊತ್ತದ ಶೇ. 5 ರಿಂದ 10 ರಷ್ಟು ಹಣವನ್ನು ಫಲಾನುಭವಿಯೇ ಪಾವತಿಸಬೇಕಾಗಬಹುದು.

ಅಗತ್ಯವಿರುವ ದಾಖಲೆಗಳು (Documents Required)

• ಆಧಾರ್ ಕಾರ್ಡ್.
• ಜಾತಿ ಮತ್ತು ಆದಾಯ ಪ್ರಮಾಣ ಪತ್ರ (RD ನಂಬರ್ ಇರುವುದು).
• ಚಾಲನಾ ಪರವಾನಗಿ (Driving License – LMV).
• ಪಾಸ್‌ಪೋರ್ಟ್ ಅಳತೆಯ ಭಾವಚಿತ್ರ.
• ವಿದ್ಯಾಭ್ಯಾಸದ ದಾಖಲೆಗಳು (SSLC ಅಥವಾ ಇತರೆ).
• ಬ್ಯಾಂಕ್ ಪಾಸ್‌ಬುಕ್ ಪ್ರತಿ.
• ರೇಷನ್ ಕಾರ್ಡ್ (ಬಿಪಿಎಲ್ ಕಾರ್ಡ್ ಆದ್ಯತೆ).

ಅರ್ಜಿ ಸಲ್ಲಿಸುವುದು ಹೇಗೆ? (Application Process)

ಈ ಯೋಜನೆಯು ವಿವಿಧ ನಿಗಮಗಳ ಮೂಲಕ (ಉದಾಹರಣೆಗೆ: ಪ್ರವಾಸೋದ್ಯಮ ಇಲಾಖೆ, ಆದಿಜಾಂಬವ ನಿಗಮ, ಒಕ್ಕಲಿಗ ಅಭಿವೃದ್ಧಿ ನಿಗಮ ಇತ್ಯಾದಿ) ಜಾರಿಯಾಗುತ್ತಿದೆ.

• ಆನ್‌ಲೈನ್ ಅರ್ಜಿ: ಅಧಿಕೃತ ವೆಬ್‌ಸೈಟ್ karnataka.gov.in ಅಥವಾ ಆಯಾ ನಿಗಮಗಳ ಪೋರ್ಟಲ್‌ನಲ್ಲಿ ನೋಟಿಫಿಕೇಶನ್ ಬಿಡುಗಡೆಯಾದಾಗ ಅರ್ಜಿ ಸಲ್ಲಿಸಬೇಕು.
• ಆಫ್‌ಲೈನ್ ಮಾಹಿತಿ: ನಿಮ್ಮ ಜಿಲ್ಲೆಯ ಪ್ರವಾಸೋದ್ಯಮ ಇಲಾಖೆ ಅಥವಾ ಜಿಲ್ಲಾಡಳಿತ ಭವನದಲ್ಲಿರುವ ಸಂಬಂಧಿತ ನಿಗಮಗಳ ಕಚೇರಿಗೆ ಭೇಟಿ ನೀಡಿ ಮಾಹಿತಿ ಪಡೆಯಬಹುದು.
• ಆಯ್ಕೆ ಪ್ರಕ್ರಿಯೆ: ಅರ್ಜಿ ಸಲ್ಲಿಸಿದ ನಂತರ ಜಿಲ್ಲಾ ಮಟ್ಟದ ಸಮಿತಿಯು ಸಂದರ್ಶನ ನಡೆಸಿ ಅರ್ಹ ಫಲಾನುಭವಿಗಳನ್ನು ಆಯ್ಕೆ ಮಾಡಲಾಗುತ್ತದೆ.

ಇದನ್ನೂ ಓದಿ: ರಾಜ್ಯ ಸರ್ಕಾರದಿಂದ ಗುಡ್​​ ನ್ಯೂಸ್: ರೂಟ್ ಕೆನಾಲ್ ಸಂಪೂರ್ಣ ಉಚಿತ!

ಯೋಜನೆಯ ವಿಶೇಷತೆ:

ಇದು ಪರಿಸರ ಸ್ನೇಹಿ ಎಲೆಕ್ಟ್ರಿಕ್ ವಾಹನವಾಗಿರುವುದರಿಂದ ಇಂಧನ ವೆಚ್ಚ ಕಡಿಮೆ. ಪ್ರವಾಸಿ ತಾಣಗಳು, ಜಿಲ್ಲಾ ಕೇಂದ್ರಗಳು ಮತ್ತು ಜನನಿಬಿಡ ಪ್ರದೇಶಗಳಲ್ಲಿ ವ್ಯಾಪಾರ ಮಾಡಲು ಅವಕಾಶ.
ಸಣ್ಣ ಹೂಡಿಕೆಯಲ್ಲಿ ಲಾಭದಾಯಕ ಉದ್ಯಮ ಆರಂಭಿಸಲು ಉತ್ತಮ ಅವಕಾಶ.